لاہور: (دنیا نیوز) پاکستان تحریک انصاف کے رہنما حماد اظہر اور سوشل میڈیا ایکٹوسٹ صنم جاوید کے کاغذات نامزدگی کے خلاف اپیلیں مسترد کر دی گئیں۔
لاہور کے حلقہ این اے 129 سے پی ٹی آئی کے حماد اظہر الیکشن لڑنے کی اجازت نہ ملنے پر اپیل کورٹ نے سابق وفاقی وزیر کی اپیل مسترد کر دی۔
اپیل کورٹ کے جج طارق ندیم نے پی ٹی آئی رہنما کی اپیل پر فیصلہ سناتے ہوئے حماد اظہر کے کاغذات نامزدگی مسترد کرنے کے ریٹرننگ افسر کے فیصلے کو برقرار رکھا۔
ادھر لاہور ہائیکورٹ کے اپیلٹ ٹربیونل نے صنم جاوید کے این اے 119، این اے 120 اور پی پی 150 کے کاغذات مسترد ہونے کو چیلنج کرنے والی اپیلیں بھی خارج کر دیں۔
اپیل کورٹ کے جج طارق ندیم نے کیس کا فیصلہ سناتے ہوئے آر او کے کاغذات نامزدگی مسترد کرنے کے فیصلے کو برقرار رکھا۔
واضح رہے کہ صنم جاوید نے این اے 119، 120 اور پی پی 150 سے الیکشن لڑنے کا اعلان کرتے ہوئے مریم نواز کے خلاف الیکشن لڑنے کا اعلان بھی کیا تھا۔