لاہور کی گورنمنٹ کالج یونیورسٹی (جی سی یو) کے طلباء اور اساتذہ کے درمیان مبینہ جھگڑے کی ویڈیو سوشل میڈیا پر وائرل ہو گئی ہے۔
ذرائع کے مطابق جی سی یو کے ایک طالب علم نے اسسٹنٹ پروفیسر کے دفتر میں ہنگامہ آرائی کی اور ہراساں کرنے پر اسسٹنٹ پروفیسر کی پٹائی کی۔
سوشل میڈیا پر گردش کرنے والی ایک ویڈیو میں طلباء پروفیسر کے دفتر میں جھگڑتے، فائلیں لیتے، پروفیسر کو مارتے اور اسسٹنٹ پروفیسر کے بال نوچتے ہوئے بھی نظر آتے ہیں۔
ویڈیو جاری ہونے کے بعد جی سی یو کے وائس چانسلر نے واقعے کا نوٹس لیا اور معاملے کی تحقیقات کے لیے ایک کمیٹی تشکیل دی۔
جی سی یو کے ترجمان نے کہا کہ ایک تحقیقاتی کمیٹی اس بات کا تعین کرے گی کہ اس واقعے کا ذمہ دار کون ہے اور پھر مجرموں کے خلاف کارروائی کرے گی۔