اقوام متحدہ کے ذیلی ادارے یونیسیف نے اعلان کیا ہے کہ غزہ کی پٹی پر اسرائیلی بمباری کے نتیجے میں 13 لاکھ سے زائد فلسطینی بچے انتہائی خطرناک حالات میں زندگی گزارنے پر مجبور ہیں۔
یونیسیف کے مطابق غزہ میں 610,000 بچے رفح کی سڑکوں اور میدانوں میں کھلی فضا میں رہتے ہیں۔
واضح رہے کہ غزہ پر اسرائیل کے وحشیانہ حملے جاری ہیں۔ دیر البلاح میں ایک گودام پر حالیہ اسرائیلی حملے میں بڑی تعداد میں بے گھر فلسطینی ہلاک اور متعدد زخمی ہوئے۔
واضح رہے کہ 7 اکتوبر سے غزہ کی پٹی میں اسرائیلی فوج کے حملوں کے نتیجے میں شہید ہونے والے فلسطینیوں کی تعداد 27 ہزار 585 سے تجاوز کر گئی ہے اور 66 ہزار 978 سے زائد افراد زخمی ہو چکے ہیں۔
غزہ کی پٹی میں اسرائیلی بمباری کے نتیجے میں ہلاک اور زخمی ہونے والوں میں نصف سے زیادہ بچے اور خواتین ہیں۔