کراچی کے ضلع صدر میں پاسپورٹ آفس کے پیچھے آگ لگ گئی۔
پولیس کے مطابق سابق پاسپورٹ آفس کے دفتر میں آگ لگنے سے پاسپورٹ آفس کی پرانی فائلیں اور ایک گاڑی جل گئی۔
پولیس نے آگ لگنے کی وجہ کا تعین نہیں کیا ہے تاہم فائربریگیڈ کی گاڑی نے موقع پر پہنچ کر آگ پر قابو پالیا۔
اس حوالے سے فائر ڈیپارٹمنٹ کے ترجمان ابرار شیخ نے میڈیا سے بات کرتے ہوئے بتایا کہ آگ پر قابو پا لیا گیا ہے اور کولنگ کا عمل جاری ہے۔ آگ بجھانے کے لیے پانچ فائر انجن اور ایک اسنارکل کا استعمال کیا گیا۔
ان کے مطابق، واقعے کے نتیجے میں کوئی ہلاک نہیں ہوا؛ متاثرہ دفاتر میں پرانا سامان محفوظ تھا جو جل کر خاکستر ہو گیا اور ایک کار بھی جل گئی۔