ڈیووس: سعودی عرب کا کہنا ہے کہ مسئلہ فلسطین کے حل کے بعد وہ اسرائیل کو تسلیم کر سکتا ہے۔
سعودی عرب کے وزیر خارجہ شہزادہ فیصل بن فرحان نے ڈیووس میں ورلڈ اکنامک فورم کے ایک پینل کے دوران کہا کہ خطے میں امن صرف فلسطینی ریاست کے قیام سے ہی ممکن ہے۔ فلسطینیوں میں امن ہوگا تو اسرائیل کو تسلیم کیا جائے گا۔
انہوں نے کہا کہ سعودی عرب فلسطینی ریاست کے قیام کے ذریعے خطے میں امن کو یقینی بنانے کے لیے امریکہ کے ساتھ تعاون کر رہا ہے اور یہ غزہ کے تناظر میں زیادہ منطقی ہے۔
سعودی وزیر خارجہ شہزادہ فیصل بن فرحان نے مزید کہا کہ ہماری ترجیح غزہ اور بحیرہ احمر میں بڑھتی ہوئی کشیدگی کو کم کرنا ہے۔ غزہ کی جنگ پورے خطے کے لیے خطرناک ہے۔ غزہ کی پٹی میں فوری جنگ بندی ہونی چاہیے۔ اسرائیل کی جانب سے غزہ کی پٹی میں جنگ ختم ہونے کے کوئی آثار نظر نہیں آتے۔