کراچی: محکمہ موسمیات نے سندھ میں موسم مزید گرم ہونے کی پیشگوئی کردی۔
محکمہ موسمیات کے مطابق کل سے وسطی اور بالائی سندھ میں درجہ حرارت 47 ڈگری سینٹی گریڈ تک جانے کا امکان ہے اور آج تھرپارکر، عمرکوٹ، ٹھٹھہ اور بدین میں بعض مقامات پر آندھی اور گرج چمک کے ساتھ بارش کا امکان ہے۔
محکمہ موسمیات کے مطابق کراچی کا موسم آئندہ تین روز تک گرم اور مرطوب رہے گا اور دن کے وقت شہر میں زیادہ سے زیادہ درجہ حرارت 37 سے 39 ڈگری سینٹی گریڈ کے درمیان اتار چڑھاؤ کا امکان ہے۔ سمندری ہوائیں شام میں واپس آنے کا امکان ہے۔