تائیوان میں 7.2 شدت کے زلزلے کے بعد کئی عمارتیں ملبے کا ڈھیر بن گئیں اور جاپان اور تائیوان میں شدید زلزلے کے بعد سونامی کی وارننگ جاری کر دی گئی۔
تائیوان کے حکام نے بتایا کہ زلزلے کے باعث کچھ عمارتیں منہدم ہوئیں اور ہلاکتوں کا خطرہ ہے۔
تائیوان کے مشرقی ساحل پر 7.2 شدت کا زلزلہ آیا، جس کے بعد 5 کی شدت کے کئی آفٹر شاکس آئے۔
زلزلے نے سمندر میں تین میٹر لہریں بھیج دیں، سونامی کی وارننگ اور تائیوان اور جاپانی سیاحتی علاقے اوکیناوا کے رہائشی علاقوں کے لیے انخلا کے احکامات جاری کیے گئے۔
سونامی تائیوان سے 110 کلومیٹر دور یوناگونی کے علاقے میں پہنچی جہاں 30 سینٹی میٹر تک اونچی لہریں ریکارڈ کی گئیں۔ خدشہ ہے کہ آئندہ چند گھنٹوں میں یہ لہریں مزید بلند ہو جائیں گی۔
زلزلہ پیما مرکز کے مطابق تائیوان کے مشرقی ساحل کے علاقے میں زلزلے کی گہرائی 15.5 کلومیٹر تھی۔