غزہ: مسجد اقصیٰ کے سابق مبلغ اور فلسطین کے مذہبی امور کے وزیر شیخ یوسف سلامہ صیہونی حکومت کے فضائی حملے میں جاں بحق ہوگئے۔
ٹیلی گرام اکاؤنٹس اور سوشل نیٹ ورکس پر پوسٹ کی گئی غیر مصدقہ اطلاعات کے مطابق، ایک اہم فلسطینی مذہبی شخصیت اور مبلغ شیخ یوسف سلامہ وسطی غزہ میں اسرائیلی گولہ باری میں مارے گئے۔
فلسطینی اتھارٹی اور حماس نے اس خبر پر کوئی تبصرہ نہیں کیا۔ اگر یہ خبر درست ہے تو یہ سات اکتوبر کے بعد اسرائیل کی وحشیانہ بمباری سے ہونے والا سب سے بڑا اور ناقابل تلافی نقصان ہے۔
مسجد اقصیٰ میں ایک مبلغ کے طور پر، شیخ یوسف سلامہ فلسطین سمیت اسلامی دنیا کی سب سے قابل احترام شخصیات میں سے ایک ہیں۔ اسلام کے لیے ان کی خدمات قابل قدر ہیں۔
اس کے علاوہ شیخ یوسف سلامہ فلسطینی اتھارٹی، غزہ اور مغربی کنارے میں سرگرم مزاحمتی تنظیموں کے درمیان اتحاد کی علامت تھے۔ وہ تمام علاقوں اور گروہوں کے قابل احترام رہنما ہیں۔