جون میں شروع ہونے والے آئی سی سی ٹی ٹوئنٹی 20 ورلڈ کپ کا پاکستان اور بھارت کا میچ انگلینڈ کے ایجبسٹن اسٹیڈیم سے ٹیلی ویژن پر دکھایا جائے گا۔
پاک بھارت میچ 9 جون کو نیویارک میں ہونا ہے اور پاک بھارت میچ کے لیے ایجبسٹن اسٹیڈیم میں فین پارک بنایا جائے گا۔
ایجبسٹن فین پارک میں 8000 تماشائیوں کی آمد متوقع ہے اور آئی سی سی نے فین پارک کے مقام کی تصدیق کر دی ہے۔
پاکستان اور بھارت کے میچ کے دوران ایجبسٹن میں فیملی فیسٹیول کا ماحول ہو گا، شائقین بڑی سکرین پر کھیل دیکھیں گے جس میں بھارت اور پاکستان کے سابق کرکٹرز بھی دکھائی دیں گے۔
ایجبسٹن کے سی ای او اسٹورٹ کین کا کہنا ہے کہ انگلینڈ میں واحد مقام جسے آئی سی سی نے فین زون کے لیے منتخب کیا ہے وہ مقامی کمیونٹی کے لیے ورلڈ کپ میں حصہ لینے کا موقع ہوگا۔