ایڈم سینڈلر کا اوزی اوسبورن کو جذباتی خراجِ عقیدت
مشہور امریکی اداکار اور کامیڈین ایڈم سینڈلر نے اپنے دیرینہ دوست اور Little Nicky فلم کے ساتھی اداکار اوزی اوسبورن کو جذباتی انداز میں خراجِ عقیدت پیش کیا ہے، جن کا انتقال منگل 22 جولائی 2025 کو ہوا۔
ایڈم سینڈلر نے انسٹاگرام پر فلم Little Nicky کے ایک یادگار منظر کی تصویر شیئر کی جس میں اوزی اوسبورن نے خصوصی شرکت کی تھی۔
انہوں نے لکھا:
“چاہے ہم اپنے بھائیوں کے ساتھ تہہ خانے میں ہوں، دوستوں کے ساتھ جنگل میں، گاڑی میں، پارٹی میں، فٹبال پریکٹس میں یا نیند کے دوران — کوئی بھی اتنا زبردست نہیں تھا جتنا کہ ’پرنس آف ڈارکنیس‘ اوزی اوسبورن۔”
ایڈم نے مزید کہا:
“ہم سب ان سے محبت کرتے تھے۔ ان کے خاندان سے دلی ہمدردی ہے، اور خوشی ہے کہ میں نے اس لیجنڈ کے ساتھ وقت گزارا۔ RIP۔”
اوزی اوسبورن کے اہل خانہ نے ان کے انتقال کی تصدیق کرتے ہوئے بیان جاری کیا:
“ہم گہرے دکھ کے ساتھ اعلان کرتے ہیں کہ ہمارے پیارے اوزی اوسبورن آج صبح انتقال کر گئے۔ وہ اپنے خاندان کے ہمراہ تھے اور محبت میں گھِرے ہوئے تھے۔ برائے مہربانی اس مشکل وقت میں ہمارے نجی معاملات کا احترام کریں۔”
اوزی اوسبورن، جو بینڈ بلیک سبتھ کے مرکزی گلوکار تھے، ہیوی میٹل میوزک کی دنیا کا ناقابلِ فراموش نام رہے۔