ضلع کچے کے علاقے کنکوٹ میں ڈاکوؤں نے تاوان کے لیے 6 سالہ معصوم بچے کو زنجیروں میں جکڑ کر ویڈیو وائرل کر دی۔
وائرل ہونے والی ویڈیو میں بچے کو روتے ہوئے دکھایا گیا ہے جب مغوی بچہ اپنے ورثاء سے اپنی جان بچانے کے لیے ڈاکوؤں کو پیسے دینے کا کہہ رہا ہے۔
چھ سالہ ایاز پٹھان کو 25 روز قبل اغوا کیا گیا تھا۔ ڈاکوؤں نے بچے کی واپسی کے لیے ورثاء سے 50 لاکھ روپے تاوان کا مطالبہ کیا۔
واضح رہے کہ کچھ کے علاقے درانی مہر میں بھی جاگیرانی گینگ کے خلاف آپریشن جاری ہے۔ سیکیورٹی آپریشن کے دوران ایک ڈاکو ہلاک اور تین زخمی ہوگئے۔