واشنگٹن: امریکی محکمہ خارجہ کی انسانی حقوق کی رپورٹ میں تسلیم کیا گیا ہے کہ غزہ میں اسرائیل کی جنگ سے انسانی حقوق پر خاصے منفی اثرات مرتب ہوئے ہیں۔
مغربی کنارے اور غزہ کی پٹی سے متعلق امریکی محکمہ خارجہ کی انسانی حقوق کی رپورٹ جاری کی گئی ہے اور کہا گیا ہے کہ اسرائیلی حکومت یا اس کے ایجنٹوں نے من مانی یا غیر قانونی ہلاکتیں کی ہیں۔
رپورٹ میں کہا گیا ہے کہ اسرائیل کچھ فلسطینی قیدیوں کو غیر صحت مند حالات میں قید کر رہا ہے۔
واضح رہے کہ گزشتہ روز 7 اکتوبر 2023 کو محصور غزہ کی پٹی میں اسرائیلی جارحیت کو 200 دن مکمل ہو گئے۔
غزہ کی وزارت صحت کے مطابق غزہ کی پٹی میں اسرائیلی جارحیت سے 200 دنوں میں 34 ہزار 183 افراد جاں بحق اور 77 ہزار 143 زخمی ہوئے ہیں۔
غزہ کی پٹی میں اسرائیلی جنگ میں ہلاک ہونے والوں کی اکثریت خواتین اور بچوں کی ہے۔ اب تک 14500 سے زائد بچے اور 9500 خواتین شہید ہو چکے ہیں۔