امریکی خفیہ اداروں نے شام میں ایرانی سفارت خانے پر اسرائیل کے حملے کے جواب میں اسرائیل پر درجنوں ایرانی ڈرون حملوں پر تشویش کا اظہار کیا ہے۔
امریکی نشریاتی ادارے نے اطلاع دی ہے کہ شام میں ایرانی سفارت خانے پر اسرائیل کے حملے کے جواب میں ایران اگلے ہفتے تک اسرائیل کے خلاف درجنوں ڈرون حملے کر سکتا ہے۔
امریکی میڈیا نے بتایا کہ خفیہ ایجنسیوں نے اسرائیل کے سفارتی مرکز پر ایران کے حملوں پر تشویش کا اظہار کیا ہے۔
امریکی انٹیلی جنس کا کہنا ہے کہ ایران اسرائیلی اہداف پر حملے کے لیے کروز میزائلوں اور ڈرونز کا استعمال کر سکتا ہے۔
امریکی میڈیا کے مطابق خفیہ اداروں نے اشارہ دیا ہے کہ رمضان المبارک کے اختتام سے قبل ایرانی حملے کا امکان ہے۔
یاد رہے کہ چند روز قبل شام کے دارالحکومت دمشق میں ایرانی سفارت خانے پر اسرائیلی میزائل حملے میں کئی سفارت کاروں سمیت آٹھ افراد ہلاک ہو گئے تھے۔
ایرانی میڈیا کے مطابق اسرائیل نے دمشق میں ایرانی سفارت خانے کے قونصلر سیکشن پر راکٹ فائر کیے جس سے عمارت تباہ اور 8 افراد ہلاک ہوگئے۔
غیر ملکی خبر رساں ادارے کے مطابق دمشق میں اسرائیلی حملے میں ہلاک ہونے والوں میں پاسداران انقلاب اسلامی کی قدس بریگیڈ کے کمانڈر انچیف رضا زاہدی بھی شامل ہیں۔
ایرانی سفارت خانے پر اسرائیلی حملے کے بعد ایران نے حملے کا سخت جواب دینے کا اعلان کیا تھا۔
امریکی انتظامیہ کے ایک سینئر اہلکار نے بعد میں کہا کہ صدر جو بائیڈن نے جمعرات کو اسرائیلی وزیر اعظم کے ساتھ فون کال میں ممکنہ ایرانی حملے پر بھی تبادلہ خیال کیا اور یہ کہ ہماری ٹیمیں ایرانی سفارت خانے پر اسرائیلی حملے کے تناظر میں کام کر رہی ہیں۔ وہ اسرائیل کے ساتھ مسلسل رابطے میں ہیں۔
انہوں نے کہا کہ ممکنہ ایرانی حملے کی صورت میں امریکہ اسرائیل کے دفاع میں بھرپور تعاون کرے گا۔