لاہور: نومنتخب صدر آصف علی زرداری نے حالیہ صدارتی انتخابات میں 2008 کے مقابلے میں 70 کم ووٹ حاصل کیے۔
دوسری بار صدر منتخب ہونے والے آصف علی زرداری 2008 میں اپنے پہلے صدارتی انتخابات کا ریکارڈ توڑنے میں ناکام رہے۔آصف زرداری نے 2008 کے صدارتی انتخابات میں 481 الیکٹورل ووٹ حاصل کیے تھے۔
2008 میں مسلم لیگ (ن) کے سعید الزماں صدیقی نے آصف علی زرداری کے مقابلے میں 153 الیکٹورل ووٹ حاصل کیے جب کہ مسلم لیگ (ق) کے مشاہد حسین سید کو 44 الیکٹورل ووٹ ملے۔
گزشتہ روز ہونے والے صدارتی انتخاب میں آصف علی زرداری 411 الیکٹورل ووٹ حاصل کر کے دوسری بار صدر بن گئے۔ تاہم آصف زرداری کے لیے واحد چیلنج 180 الیکٹورل ووٹ تھے، جو محمود خان اچکزئی نے جیت لیے۔