صوابی سے زکریا نامی دلہا اپنی دلہنیا لینے ہیلی کاپٹر میں پشاور پہنچ گیا۔
یہ بارات پشاور کے مضافاتی اچینی بالا میں آئی جہاں کے رہائشی رحمان شاہ کی بیٹی کی رخصتی ہیلی کاپٹرمیں ہوئی۔
پولیس نے بتایا کہ دلہا دلہن کی خواہش پوری کرتے ہوئے اسے ہیلی کاپٹر میں لے گیا۔
اگر یہ کہا جائے کہ یہ خیبرپختونخوا کی پہلی بارات ہے جو ہیلی کاپٹر میں آئی تو شاید یہ اندازہ غلط نہ ہو کیونکہ مضافاتی علاقے میں ہیلی کاپٹر کو دیکھ کر مقامی افراد کافی حیران بھی ہوئے اور بڑی تعداد میں بارات دیکھنے بھی پہنچ گئے۔
