ٹورنٹو، کینیڈا میں پولیس نے جعلی دستاویزات کی بنیاد پر کینیڈین بینک اکاؤنٹس کھولنے کے الزام میں 12 افراد پر فرد جرم عائد کی ہے۔
کینیڈین پولیس کے مطابق ملزمان میں حمزہ بیگ، حسنین اکرم، زر علی چوہدری، راشد اقبال، رانا فیصل مسعود خان، انمل کھرانہ، فہد بن مفیز، عثمان سیف، علی ثناء، میاں محمد سعود، سبط حسین سعید اور معید شامل ہیں۔ تنیر
پولیس نے بتایا کہ ملزمان سے سینکڑوں ڈیبٹ اور کریڈٹ کارڈز، 3 لاکھ ڈالر اور غیر ملکی کرنسی قبضے میں لے لی گئی اور گرفتار ملزمان پر 40 لاکھ ڈالر کے ایڈوانس لون چوری کرنے کا بھی الزام ہے۔
پولیس کے مطابق زیادہ تر ملزمان کا تعلق پاکستانی کمیونٹی سے ہے اور ان میں سے 12 ملزمان پر کینیڈا کے بینکوں میں جعلی دستاویزات کے ذریعے اکاؤنٹس کھولنے کا الزام ہے۔ کئی سالوں کے دوران مدعا علیہان نے 680 جھوٹی دستاویزات بنائیں۔