وفاقی کابینہ کی تشکیل پر بات چیت کے بعد فیصلہ کیا گیا کہ وفاقی کابینہ میں متحدہ قومی موومنٹ، پاکستان استحکام پارٹی اور پاکستان مسلم لیگ کو نمائندگی دی جائے گی۔
ذرائع کا کہنا ہے کہ وفاقی کابینہ سے بات چیت کے بعد اسحاق ڈار کو وزارت خارجہ، اعظم تارڑ کو وزارت انصاف اور عطا اللہ تارڑ کو وزارت اطلاعات دینے کا فیصلہ کیا گیا۔
نئی کابینہ میں استحکام پاکستان پارٹی سے عبدالعلیم خان کی بھی وفاقی کابینہ میں شمولیت متوقع ہے اور مذاکرات کے ایک حصے کے طور پر متحدہ قومی موومنٹ (ایم کیو ایم) کو بھی وفاقی کابینہ میں دو وزارتیں ملنے کا فیصلہ کیا گیا ہے۔
ذرائع کا کہنا ہے کہ خواجہ آصف کو دفاع اور مصدق ملک کو آئل کا قلمدان ملے گا جب کہ امیر مقام کو بھی کابینہ میں شامل کیے جانے کا امکان ہے۔
نئی وفاقی کابینہ میں شازہ فاطمہ خواجہ وزارت انفارمیشن اینڈ ٹیکنالوجی، محمد اورنگزیب وزارت خزانہ اور پنجاب کے سابق نگراں وزیر محسن نقوی وزارت داخلہ کے سربراہ ہوں گے۔
ذرائع کے مطابق طارق فاطمی کو معاون خصوصی برائے خارجہ امور اور احد چیمہ کو حکومت سازی کا مشیر مقرر کرنے کا فیصلہ کیا گیا ہے جب کہ جام کمال اور چوہدری سالک کو بھی وفاقی کابینہ میں شامل کیا جائے گا۔
ذرائع کے مطابق امکان ہے کہ نئی وفاقی کابینہ پیر کو حلف اٹھائے گی۔