لاہور: مسلم لیگ (ن) کے رہنما طلال چوہدری کا کہنا ہے کہ وزیر خارجہ سینیٹر اسحاق ڈار کی بطور نائب وزیراعظم تقرری اسٹیبلشمنٹ کے لیے کوئی پیغام نہیں ہے۔
ٹیلی ویژن پروگرام کے دوران لیگی رہنما طلال چوہدری کا کہنا تھا کہ اسحاق ڈار کی بطور نائب وزیراعظم تقرری اسٹیبلشمنٹ کے لیے پیغام نہیں، ہماری اسٹیبلشمنٹ سے کوئی دوڑ نہیں ہے۔
انہوں نے کہا کہ نواز شریف کابینہ اور اس سے متعلق تمام فیصلوں سے متفق ہیں۔
گزشتہ روز جناب اسحاق ڈار کی بطور نائب وزیراعظم تقرری کا نوٹیفکیشن جاری کیا گیا اور کابینہ کے نوٹیفکیشن کی بنیاد پر جناب اسحاق ڈار کی بطور نائب وزیراعظم تعیناتی فوری طور پر عمل میں لائی جائے گی۔
اسحاق ڈار ملک کے دوسرے نائب وزیر اعظم ہیں اور ان سے قبل پیپلز پارٹی کی حکومت میں چوہدری پرویز الٰہی نائب وزیر اعظم تھے۔