اسلام آباد (ڈیلی پاکستان آن لائن) جوڈیشل کمیشن نے ملک بھر کی پانچ ہائی کورٹس میں 38 ایڈیشنل ججز کی تعیناتی کا مطالبہ کر دیا۔
نجی ٹی وی چینل دنیا نیوز کی رپورٹ کے مطابق جوڈیشل کمیشن نے سندھ ہائی کورٹ میں 12 ایڈیشنل ججز تعینات کرنے کی تجویز دی ہے۔ اسلام آباد ہائی کورٹ میں چار ایڈیشنل ججز کے لیے بھی کاغذات نامزدگی جمع کرائے گئے ہیں۔
لاہور ہائی کورٹ کے دس ایڈیشنل ججز، پشاور ہائی کورٹ کے نو ایڈیشنل ججز اور بلوچستان ہائی کورٹ کے تین ایڈیشنل ججز کے لیے نامزدگیاں کی گئی ہیں۔