کوئٹہ: بلوچستان کے بیشتر علاقوں میں موسم سرد اور جزوی طور پر ابر آلود رہے گا اور جنوب مغربی علاقوں میں گرج چمک کے ساتھ بارش کا امکان ہے۔
محکمہ موسمیات کے مطابق پسنی، جیوانی، تربت، گوادر، لسبیلہ، اوران، اورماڑہ، پنجگور اور واشیکا میں تیز آندھی اور گرج چمک کے ساتھ بارش ہوسکتی ہے۔
سرد موسم کے باعث کوئٹہ اور قلات میں کم سے کم درجہ حرارت 2 ڈگری سینٹی گریڈ رہا۔
سبی اور نوکنڈی میں کم سے کم درجہ حرارت 12 ڈگری سینٹی گریڈ اور تربت میں 15 ڈگری سینٹی گریڈ، بلوچستان کے ساحلی علاقوں جیوانی میں 13 اور گوادر میں 12 ڈگری سینٹی گریڈ ریکارڈ کیا گیا۔