ایرانی صدر ابراہیم رئیسی لاہور پہنچ گئے۔
لاہور پہنچنے پر وزیر اعلیٰ پنجاب مریم نواز نے صدر ایران ابراہیم رئیسی کا استقبال کیا، تقریب میں صوبائی وزرا، آئی جی پنجاب اور دیگر اعلیٰ حکام نے بھی شرکت کی۔
ایرانی صدر آج آدھا دن لاہور میں گزاریں گے جہاں وہ کراچی روانگی سے قبل وزیراعلیٰ پنجاب اور دیگر حکام سے ملاقاتیں کریں گے۔
ایرانی صدر ابراہیم رئیسی ایک روز کراچی میں قیام کریں گے اور کل روانگی سے قبل وزیر اعلیٰ سندھ مراد علی شاہ اور گورنر سندھ کامران تسوری سے ملاقات کریں گے۔
لاہور اور کراچی کے دورے کے موقع پر آج دونوں شہروں میں عام تعطیل کا اعلان کیا گیا تھا۔
واضح رہے کہ ایرانی صدر ابراہیم رئیسی تین روزہ دورے پر پاکستان آئے تھے اور گزشتہ روز اسلام آباد میں وفاقی وزیر ریاض پیرزادہ نے ان کا استقبال کیا تھا۔ اس کے بعد ایرانی صدر وزیراعظم کے دفتر میں داخل ہوئے جہاں انہیں گارڈ آف آنر پیش کیا گیا۔ .
وزیراعظم شہباز شریف نے ایرانی صدر کے اعزاز میں عشائیہ دیا اور صدر آصف زرداری سے ملاقات بھی کی۔