ایوان بالا (سینیٹ) کے نومنتخب ارکان آج اپنے عہدے کا حلف اٹھائیں گے، چیئرمین اور ڈپٹی چیئرمین کا انتخاب بھی کیا جائے گا۔
صدر آصف علی زرداری نے سینیٹ کا اجلاس آج صبح 9 بجے طلب کرلیا۔ اجلاس کی صدارت نو منتخب سینیٹر اسحاق ڈار کریں گے۔
سینیٹ کے اجلاس میں نئے اراکین کی حلف برداری ہوتی ہے اور سینیٹ کے چیئرمین اور ڈپٹی چیئرمین کا انتخاب کیا جاتا ہے۔
واضح رہے کہ پیپلز پارٹی نے سید یوسف رضا گیلانی کو چیئرمین سینیٹ کے عہدے کے لیے نامزد کیا تھا۔
دوسری جانب تحریک انصاف نے آج سینیٹ کے چیئرمین اور ڈپٹی چیئرمین کے انتخابات کے بائیکاٹ کا اعلان کیا ہے۔
تحریک انصاف نے کہا کہ ایوانِ نمائندگان کا نامکمل ہونے کی صورت میں چیئرمین اور ڈپٹی چیئرمین سینیٹ کا انتخاب جمہوری اقدار کا قتل ہے۔