پاکستان اور نیوزی لینڈ کے درمیان 5 میچوں کی ٹی ٹوئنٹی سیریز کی ٹرافی کی رونمائی کر دی گئی۔
ٹی ٹوئنٹی سیریز کی ٹرافی کی رونمائی کے موقع پر پاکستانی کپتان شاہین آفریدی اور نیوزی لینڈ کے کپتان کین ولیمسن موجود تھے۔
واضح رہے کہ آکلینڈ میں نیوزی لینڈ کے خلاف پہلے ٹی ٹوئنٹی میچ کے لیے پاکستان کرکٹ ٹیم کا خاکہ بھی تیار کیا گیا تھا۔
ذرائع کے مطابق شاہین آفریدی کی قیادت میں پاکستانی ٹیم پہلے ٹی ٹوئنٹی میں کپتان شاہین آفریدی کے ساتھ چار فاسٹ باؤلرز یعنی حارث رؤف اور زمان خان اور عامر جمال چہارم کو میدان میں اتارے گی۔
ذرائع کا کہنا ہے کہ پہلے ٹی ٹوئنٹی میں گگلی بولر اسامہ میر پر محمد نواز کو ترجیح دی جائے گی جبکہ صائم ایوب وکٹ کیپر محمد رضوان کے ساتھ اننگز کا آغاز کریں گے۔
ذرائع کے مطابق سابق کپتان بابر اعظم تیسرے نمبر پر کھیلیں گے جبکہ جارح مزاج فخر زمان نے چوتھے نمبر پر کھیلنے پر رضامندی ظاہر کر دی ہے۔
ذرائع کا کہنا ہے کہ اعظم خان 11 رکنی اسکواڈ میں شامل ہونے کی صورت میں وکٹ کیپر کا کردار ادا کریں گے۔
پاکستان اور نیوزی لینڈ کے درمیان پانچ ٹی ٹوئنٹی میچوں کی سیریز کا پہلا میچ 12 جنوری بروز جمعہ کو آکلینڈ میں کھیلا جائے گا، شاہین آفریدی پہلی بار قومی ٹیم کی قیادت کریں گے۔
نیوزی لینڈ کے خلاف ٹی ٹوئنٹی سیریز کی تیاری کے لیے پاکستان کرکٹ ٹیم نے آکلینڈ میں ٹریننگ سیشن کا انعقاد کیا جس میں تمام کھلاڑیوں نے شرکت کی۔ تربیت تین گھنٹے تک جاری رہی۔