لاہور کے علاقے نشتر کالونی میں ڈاکوؤں نے بیرون ملک سے آنے والی فیملی کو لوٹ لیا۔
پولیس کے مطابق تینوں ڈاکو اہل خانہ سے 33 ہزار روپے اور زیورات چوری کرکے فرار ہوگئے۔
پولیس کا کہنا ہے کہ متاثرہ ندیم شیخ کی شکایت پر اس واقعے کا مقدمہ درج کرلیا گیا ہے تاہم ملزمان کو تاحال گرفتار نہیں کیا جاسکا۔
شہری کی جانب سے درج کرائی گئی ایف آئی آر میں کہا گیا ہے کہ ایک ملزم نے پولیس کی وردی پہن رکھی تھی اور ملزم کی گاڑی میں پولیس لائٹس بھی لگائی گئی تھیں۔ ملزمان نقدی اور زیورات چوری کرکے فرار ہوگئے۔