الشفا اسپتال کے بعد اسرائیلی قابض فوج نے غزہ کی پٹی کے جنوبی قصبے خان یونس میں النصر اسپتال اور العمل اسپتال کا محاصرہ شروع کردیا۔
غیر ملکی خبر رساں اداروں کے مطابق اسرائیلی فورسز کی جانب سے دونوں ہسپتالوں پر بمباری کا سلسلہ جاری ہے۔
فلسطینی ہلال احمر سوسائٹی کے مطابق العمال اسپتال کے احاطے پر اسرائیل نے حملہ کیا اور اسرائیلی فوجی طیاروں نے اسپتال کے اردگرد 40 اہداف کو نشانہ بنایا اور اسپتال کے ایمرجنسی روم پر بھی حملہ کیا۔
فلسطینی ہلال احمر نے کہا کہ اسرائیلی فوج نے زخمیوں اور الامل اسپتال کے عملے کو منتشر کرنے کے لیے اسموک بموں کا استعمال کیا جب کہ سینکڑوں بے گھر فلسطینیوں نے اسپتال میں پناہ لی۔
عرب میڈیا کے مطابق اسرائیلی حملوں میں ہلال احمر کا ایک فلسطینی رکن ہلاک ہو گیا۔
قابض اسرائیلیوں نے رفح میں ایک مکان کو دھماکے سے اڑا دیا جس کے نتیجے میں سات فلسطینی شہید ہوگئے۔ اسرائیلی فوج نے مبینہ طور پر 24 گھنٹوں کے دوران 80 سے زائد فلسطینیوں کو شہید کر دیا۔
دوسری جانب غزہ کی پٹی میں اسرائیلی جارحیت کے جواب میں حماس کے جوابی حملے جاری ہیں۔ حماس نے الشفاء میڈیکل کمپلیکس کے قریب تین صیہونی فوجیوں پر حملہ کیا۔
اس حوالے سے حماس کا دعویٰ ہے کہ القسام بریگیڈ اور القدس بریگیڈ نے اسرائیلی فوج کو شدید نقصان پہنچایا۔